Një aksident ka ndodhur në Maliq gjatë ditës së sotme, ku një 42-vjeçar që drejtonte një automjet tip BMW ka humbur kontrollin dhe ka dalë nga rruga.
Si pasojë e aksidentit është plagosur drejtuesi i mjetit, i cili sipas burimeve nga Policia, është transportuar në spitalin e Tiranës për ndihmë më të specializuar mjekësore.
Ndërkohë po punohet për zbardhjen e plotë të rrethanave të ngjarjes.
Reagimi i Policisë:
Maliq/Informacion paraprak–Më datë 29.06.2023, rreth orës 08:10, në aksin rrugor Korçë-Pogradec, në afërsi të fshatit Gurishtë, Maliq, shtetasi B. C., rreth 42 vjeç, duke drejtuar automjetin tip “BMË”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar drejtuesi shtetasi B. C., i cili pas ndihmës së marrë në spitalin e Korçës, do të transportohet në Tiranë për mjekim të specializuar.
Grupi hetimor po punon për përcaktimin e shkakut të daljes nga rruga.